નવી દિલ્હી,
“અમે અઢી કરોડ છીએ, આખરે પોલીસ કેટલા લોકોને પકડશે?” : રાંકાનો આક્રમક સવાલ
મુખ્ય ચૂંટણી કમિશનર જ્ઞાનેશ કુમાર સામે આગામી 10 ઓક્ટોબરે દિલ્હીના જંતર-મંતર પર યોજાનાર વિરોધ પ્રદર્શન પહેલાં કોકરોચ જનતા પાર્ટી દ્વારા ગંભીર દાવો કરવામાં આવ્યો છે કે ઉત્તર પ્રદેશ, મહારાષ્ટ્ર અને પશ્ચિમ બંગાળ જેવા રાજ્યોમાં આ આંદોલનમાં જોડાવા જઈ રહેલા તેમના હજારો સ્વયંસેવકો તથા કાર્યકર્તાઓની પોલીસ દ્વારા અટકાયત કરવામાં આવી રહી છે.
આ પોલીસ કાર્યવાહી સામે આક્રમક વલણ અપનાવતા CJPના નેતા આશુતોષ રાંકાએ જણાવ્યું હતું કે, “પકડવા કે અટકાયત કરવાથી શું વળશે? પોલીસ કેટલા લોકોને પકડશે? દેશભરમાં અમારા અઢી કરોડ જેટલા કાર્યકરો છે.” દિલ્હીના આ નિશ્ચિત વિરોધ પ્રદર્શન અગાઉ બેંગલુરુમાં પણ એક વિરોધ કાર્યક્રમનું આયોજન કરવામાં આવ્યું હતું. સોશિયલ મીડિયા પર વીડિયો શેર કરીને એવો પણ દાવો કરાયો છે કે કોલકાતામાં અબ્દુલ અને તેની ટીમને સાદા વસ્ત્રોમાં આવેલા શખ્સો ઉઠાવી ગયા હતા, જેના કારણે કાર્યકરોમાં રોષ જોવા મળી રહ્યો છે.